საოპერაციო პაციენტის გზა
ოპერაცია გადაწყდა. ქვემოთ ეტაპობრივად ჩანს, რა ხდება რამდენიმე კვირით ადრე, ოპერაციის დღეს და შემდეგ ერთ წლამდე. ყველა ვადა ჩვეულებრივი მიმდინარეობაა და არა დაპირება: ექიმი მას თქვენ მოგარგებთ.
ოპერაცია გადაწყდა
გადაწყვეტილება ექიმთან ერთად მიიღეთ: რენტგენით, ჩივილებით და იმით, რამდენად ზღუდავს ტკივილი ცხოვრებას. ახლა მომზადება იწყება.
შემდეგი: მომზადება ↓მომზადება
მოწევა
შეწყვიტეთ მინიმუმ ოთხი კვირით ადრე, სასურველია ოთხიდან ექვს კვირამდე, და ოპერაციის შემდეგაც მინიმუმ ოთხი კვირა. ორკვირიანი შეწყვეტა კვლევებით შედეგს ვერ იძლევა.
შეწყვეტა მხოლოდ ექიმის მითითებით ხდება. ვადას ინდივიდუალურად კარდიოლოგი ან მკურნალი ექიმი განსაზღვრავს.
| პრეპარატი | ჩვეულებრივ წყდება |
|---|---|
| ვარფარინი | 5 დღით ადრე |
| პირდაპირი მოქმედების ანტიკოაგულანტები (ქსარელტო, ელიქვისი, პრადაქსა) | 1-2 დღით ადრე |
| კლოპიდოგრელი (პლავიქსი) | 5-7 დღით ადრე |
| ასპირინი (კარდიომაგნილი, კარდიოასპირინი) | 2-3 დღით ადრე |
ეს ზოგადი ვადებია. თქვენსას ექიმი გეტყვით.
სახლი
გზიდან მოაშორეთ ხალიჩები და სადენები, ღამით გზა გაინათეთ, მოამზადეთ მყარი სკამი სახელურებით.
ჩანთა
საბუთები, მედიკამენტების სია, ფეხსაცმელი ქუსლის საყრდენით, თავისუფალი ტანსაცმელი.
დილის ცხრა საათზე, უზმოზე მობრძანდით კაბინეტთან
მობრძანდით კლინიკაში დილის ცხრა საათზე, უზმოზე. ამ დღეს კეთდება ანალიზები და ტარდება წინასაოპერაციო კონსულტაციები.
შემდეგი: ოპერაციის დღე ↓დილის რვა საათზე, უზმოზე მობრძანდით ემერჯენსის მიმღებში
ჰოსპიტალიზაციისა და მომზადების შემდეგ საოპერაციოში გადაგიყვანენ. ანესთეზია სპინალურია და საშუალოდ ორნახევრიდან ოთხ საათამდე მოქმედებს.
ოპერაცია საშუალოდ საათნახევარი გრძელდება. წინა მიდგომისას კუნთები არ იჭრება, განზე იწევა. ბიკინის განაკვეთი 5-6 სმ-ია.
დაზიანებული ბარძაყის თავი ამოიღება. ტაბუხის ფოსოში ჯამი ჩაისმება, მის შიგნით ჩანართი, ბარძაყის ძვალში ღერო, ღეროზე კი თავი. თავი ჩანართში ბრუნავს, როგორც ბუნებრივი სახსარი.
ჭრილობაზე ნახვევი გამჭვირვალეა: ჭრილობა გახსნის გარეშე ჩანს.
შეგრძნება და მოძრაობა ჯერ ტერფში ბრუნდება, შემდეგ ზემოთ. პირველად ფეხზე ოპერაციის დღესვე დგებით, რამდენიმე საათში.
შემდეგი: საავადმყოფოში ↓საავადმყოფოში
დადიხართ დამხმარე ჩარჩოთი, ფიზიოთერაპევტთან ერთად და დისტანცია ყოველ დღე იზრდება. ტკივილი მედიკამენტებით იმართება.
გაწერა ჩვეულებრივ მაქსიმუმ ორ დღეში. გაწერისას მიიღებთ წერილობით ინსტრუქციას, მედიკამენტების სქემას, სავარჯიშოებს, საკონტროლო ვიზიტის თარიღს და საკონტაქტო ნომრებს.
შემდეგი: სახლში ↓სახლში
იარეთ ხშირად და მოკლე მონაკვეთებით, დაისვენეთ და დიდხანს უმოძრაოდ ნუ დაჯდებით. დამხმარე ჩარჩო ჩვეულებრივ მინიმუმ ორ კვირას გჭირდებათ, ზოგს სამს.
- სიცხე 38 გრადუსზე მაღლაა, განსაკუთრებით შემცივნებასთან ერთად;
- ჭრილობიდან გამონადენია, სიწითლე, სითბო ან უსიამოვნო სუნი;
- ტკივილი უეცრად და ძლიერად მატულობს, ანალგეზიურ მედიკამენტს არ ემორჩილება;
- წვივი ცალმხრივ შეშუპებული, მტკივნეული ან წითელია;
- დაეცით ან მიიღეთ ტრავმა, თუნდაც ტკივილი ძლიერი არ იყოს.
ქოშინზე და გულმკერდის ტკივილზე დარეკეთ 112.
უცხოეთიდან ჩამოსულისთვის: ფრენა ჩვეულებრივ ერთი კვირის შემდეგ, ექიმის დადასტურებით.
შემდეგი: ორი კვირა ↓პირველი ვიზიტი კლინიკაში
თუ პასუხს მკურნალობა სჭირდება, რამდენიმე დღეში საკონტროლო კვლევა ინიშნება.
ამის შემდეგ, როგორც წესი, დამხმარე ჩარჩოს ხელჯოხი ცვლის.
შემდეგი: თვენახევარი ↓მეორე ვიზიტი და ჩვეული საქმეები
| რა | ჩვეულებრივ როდის |
|---|---|
| საჭესთან დაბრუნება | საშუალოდ 6 კვირა |
| დაჩოქება | დაახლოებით 1.5 თვე |
| ინტიმური ცხოვრება | დაახლოებით 1.5 თვე |
| გეგმიური სტომატოლოგიური მკურნალობა | 1.5 თვის შემდეგ |
თვენახევრისთვის ხელჯოხი ჩვეულებრივ აღარ გჭირდებათ.
ყველა ვადა ინდივიდუალურია და ვიზიტზე ზუსტდება.
შემდეგი: სამი და ექვსი თვე ↓ჩვეული ცხოვრება
პაციენტების უმეტესობა სამი თვისთვის ჩვეულ ცხოვრებას უბრუნდება: სიარული, ცურვა, ველოსიპედი.
სირბილზე, ხტომაზე და საკონტაქტო სპორტზე ინდივიდუალურად ვსაუბრობთ. ეს აკრძალვა არ არის: ეს საუბარია იმპლანტის სამსახურის ვადაზე და თქვენს პრიორიტეტებზე.
შემდეგი: ერთი წელი ↓ახალი სახსრის პირველი წელი
ნაწიბური საბოლოო სახეს თვეების განმავლობაში იღებს და ეს პროცესი პირველი წლის შემდეგაც გრძელდება.
რამდენ ხანს ძლებს პროთეზი? საერთაშორისო რეესტრების გაერთიანებული ანალიზით, ოცი წლის შემდეგ პროთეზების დაახლოებით სამი მეოთხედი ისევ ფუნქციონირებს, ოცდახუთი წლის შემდეგ კი ნახევარზე მეტი. ეს საშუალო მაჩვენებელია და კონკრეტულ ადამიანზე პირდაპირ არ გადადის.
მთელი გზა ერთ ცხრილში ↓მთელი გზა ერთ ცხრილში
| რა | როდის | შენიშვნა |
|---|---|---|
| ოპერაციამდე | ||
| მოწევის შეწყვეტა | მინიმუმ 4 კვირით ადრე | სასურველია 4-6 |
| სისხლის გამათხელებელი | მხოლოდ ექიმის მითითებით | ვადას კარდიოლოგი ან მკურნალი ექიმი განსაზღვრავს |
| წინა დღე | 09:00, უზმოზე | ანალიზები, კონსულტაციები |
| ოპერაცია და საავადმყოფო | ||
| ოპერაცია | 08:00, უზმოზე | საშუალოდ 1.5 საათი |
| პირველი ადგომა | იმავე დღეს | რამდენიმე საათში |
| გაწერა | მაქსიმუმ 2 დღეში | ჩვეულებრივ |
| სიარული და ყოველდღიურობა | ||
| დამხმარე ჩარჩო | მინიმუმ 2 კვირა | ზოგს 3 |
| ხელჯოხი | 2 კვირიდან | თვენახევრისთვის ჩვეულებრივ აღარ სჭირდებათ |
| საჭე | საშუალოდ 6 კვირა | |
| დაჩოქება, ინტიმური ცხოვრება | დაახლოებით 1.5 თვე | |
| ფრენა | 1 კვირის შემდეგ | ექიმის დადასტურებით |
| ვიზიტები კლინიკაში | ||
| 2 კვირა | ნაკერები, რენტგენი | ლაბორატორია |
| 1.5 თვე | რენტგენი | ლაბორატორია, თუ საჭიროა |
| 3 თვე | რენტგენი | |
| 6 თვე | რენტგენი | |
| 1 წელი | რენტგენი | შემდეგ ყოველ წელს |
ყველა ვადა ჩვეულებრივი მიმდინარეობაა და არა დაპირება.
ან დარეკეთ: +995 555 72 72 55
