გამოცდილება
პაციენტისთვის
ამ გვერდზე თავს იყრის ის, რაც გადაწყვეტილების მიღებაში დაგეხმარებათ: საგანმანათლებლო ვიდეოები, სადაც ვხსნი დაავადებას და მეთოდს, საოპერაციო უსაფრთხოების სტანდარტები და პაციენტების ისტორიები.
ვიდეო
საგანმანათლებლო სერია
ცხრა ვიდეო, თითოეული ერთ კონკრეტულ კითხვაზე პასუხობს. ყოველი ვიდეოდან ბმული მიდის იმ გვერდზე, სადაც იგივე თემა ვრცლად წერია.
- საიდან იწყება ყველაფერიროგორ ვითარდება ართროზი
- ხშირი აღრევაგანსხვავება ართროზსა და ართრიტს შორის
- რა ხდება, როცა ელოდებიროგორი გავლენა აქვს ორგანიზმზე ტკივილს
- გულახდილი პასუხიშეიძლება თუ არა ართროზის განკურნება
- მკურნალობის საფეხურებიროგორი გავლენა აქვს მკურნალობას ართროზის დროს
- რას აღწევს კონსერვატიული გზარა გავლენა აქვს კონსერვატიულ მკურნალობას ართროზულ სახსარზე
- მოძრაობა, როგორც მკურნალობავარჯიშისა და რეაბილიტაციის გავლენა ართროზულ სახსარზე
- როდის ხდება ტკივილი ჩვენებაროდის ხდება სახსრის ჩანაცვლება საჭირო
- რისგან შედგება იმპლანტიპროთეზის ტიპები
სემინარი
პაციენტთა საგანმანათლებლო სემინარი
უფასო შეხვედრა პაციენტებისა და მათი ოჯახის წევრებისთვის. ენა მარტივია და ტერმინები ახსნილი: სემინარი პაციენტისთვისაა და არა კოლეგებისთვის.
ორთოპედი, რომელიც პაციენტებს ასწავლის, საქართველოში იშვიათობაა. ვისწავლოთ იმას, რასაც კონსულტაციის თხუთმეტ წუთში ვერ მოვასწრებთ.
- რა ხდება სახსარში და რას ნიშნავს რენტგენზე დანახული ცვლილება
- რა კეთდება ოპერაციამდე და რას აღწევს თითოეული მეთოდი
- როდის დგება ოპერაციის დრო და რატომ არ წყვეტს ამას მხოლოდ სურათი
- რა ხდება ოპერაციის შემდეგ: ეტაპები, შეზღუდვები და საგანგაშო ნიშნები
თარიღი ჯერ არ არის დაფიქსირებული. ნომრის დატოვების შემდეგ SMS-ს მიიღებთ თარიღის დადგენისთანავე, შემდეგ კი შეხსენებას სამი დღით ადრე და სემინარის დილას.
ტექნოლოგია
უსაფრთხოების თანამედროვე სტანდარტები
ორი სისტემა, რომელიც საქართველოში პირველად ჩემს პრაქტიკაში დაინერგა. ორივე ერთი მიზნისთვისაა: რისკის შემცირება საოპერაციოში.
ქირურგიული სკაფანდრები
სკაფანდრი არის საკუთარი ვენტილაციის მქონე ჩაფხუტი, რომელზეც სტერილური კაპიუშონი და ხალათი იცმევა. ის მთლიანად ხურავს ქირურგის თავსა და სახეს და დამატებით ბარიერს ქმნის ბრიგადასა და ღია ჭრილობას შორის. მიზანი ერთია: ჭრილობის დაბინძურების და პოსტოპერაციული ინფექციის რისკის შემცირება.
STERIS ARCH ფეხის პოზიციონერი
ამერიკული სისტემა, რომელიც ოპერაციის განმავლობაში საოპერაციო კიდურს კონტროლირებად და გამეორებად პოზიციაში ინახავს. ფეხი მოძრაობს რკალზე, წევის ძალა და კუთხე კი ზუსტად რეგულირდება. ეს ზრდის სიზუსტეს იმპლანტის დაყენებისას და ამცირებს ქსოვილებზე ზედმეტ დატვირთვას.
ნაწიბური
ნაწიბური ოპერაციიდან სამ თვეში
კონსულტაციაზე ერთ-ერთი ყველაზე ხშირი კითხვაა, როგორი დარჩება ნაწიბური. აი, რას ხედავს პაციენტი სამ თვეში და როგორ გამოიყურება იგივე ადგილი ოპერაციის დღეს.
5 ფოტო
ნაწიბურის საბოლოო სახე თვეებში ყალიბდება და პროცესი პირველი წლის შემდეგაც გრძელდება. შეხორცება ინდივიდუალურია: ის დამოკიდებულია კანის თავისებურებაზე, ასაკზე, თანმხლებ დაავადებებზე და მოვლაზე. ეს ფოტოები კონკრეტული ადამიანების შემთხვევაა და არა სხვა პაციენტისთვის მოსალოდნელი შედეგის მაჩვენებელი.
განაკვეთი: მარკირება და ჭრილობა
ვიდეოში ჯერ საოპერაციოში მონიშნული ადგილი ჩანს, საიდანაც განაკვეთი გაივლის, შემდეგ კი დახურული ჭრილობა გამჭვირვალე ნახვევის ქვეშ: ის ისეა დადებული, რომ ჭრილობა მოხსნის გარეშე ჩანს. ბიკინის განაკვეთი ჰორიზონტალურია, 5-6 სმ სიგრძის, და კანის ბუნებრივ ნაკეცში გადის.
ისტორიები
პაციენტების ისტორიები
ხუთი ვიდეო კონკრეტული ადამიანების გამოცდილებით: ერთი პაციენტი თავად ჰყვება, დანარჩენებზე სიარული ჩანს კლინიკაში და სახლში.
- პაციენტი თავად ჰყვება
46 წლის პაციენტი თავის გამოცდილებას ჰყვება
- კლინიკაში
სიარული ოპერაციის შემდეგ, ექიმის ახსნა-განმარტებით
- კლინიკაში
სიარული დერეფანში, დამხმარე ჩარჩოთი
- სახლში
სიარული სახლში, დამხმარე ჩარჩოთი
- კონტროლზე
სიარული დამხმარე საშუალების გარეშე
- სახლში
სიარული სახლში, დამხმარე ჩარჩოთი
- კონტროლზე
წინა მიდგომა და ბიკინის განაკვეთი: პაციენტი კონტროლზე
- პაციენტი თავად ჰყვება
პაციენტი პალატაში, ოპერაციის შემდეგ
- კლინიკაში
სიარული კლინიკის დერეფანში
- სახლში
სიარული სახლში, დამხმარე საშუალების გარეშე
ყოველი ვიდეო ერთი კონკრეტული ადამიანის შემთხვევაა და არა სხვა პაციენტისთვის მოსალოდნელი შედეგის მაჩვენებელი. გამოჯანმრთელების ტემპი დამოკიდებულია ასაკზე, სახსრის მდგომარეობაზე, თანმხლებ დაავადებებზე და რეაბილიტაციაზე.
პაციენტის ყოველ ფოტოს, ვიდეოს და ისტორიას სჭირდება წერილობითი, ხელმოწერილი თანხმობა. ეს არ არის ფორმალობა. ეს არის იურიდიული მოთხოვნა და პროფესიული ეთიკის საკითხი. თანხმობის გარეშე გვერდზე არაფერი ჩნდება.
ეს ვიდეოები არცერთ გარე პლატფორმაზე არ დევს: ფაილები უშუალოდ ამ საიტზეა. გვერდის გახსნისას ისინი არ იტვირთება და ავტომატურად არ ირთვება, ჩანს მხოლოდ პირველი კადრი. ვიდეო მაშინ ჩამოიტვირთება, როცა დაკვრას თავად დააჭერთ.
წესები, რომლებიც არ ირღვევა
- ყოველ მასალას სჭირდება წერილობითი, ხელმოწერილი თანხმობა.
- პაციენტს თანხმობის გამოთხოვა ნებისმიერ დროს შეუძლია. მასალა მაშინვე იხსნება.
- ნაწიბურის ფოტო მხოლოდ სახის გარეშე.
- შედეგი ინდივიდუალურია. ერთი პაციენტის ისტორია არ არის სხვისთვის მოსალოდნელი შედეგის მაჩვენებელი.
- საოპერაციო ვიდეო ცალკე იდება, დაფარულად, გამაფრთხილებელი ეკრანით. ავტოდაკვრა არასდროს.
მოწვევა
თუ ჩემი პაციენტი ხართ
თუ ოპერაცია გაქვთ გაკეთებული და გსურთ თქვენი გამოცდილება გაუზიაროთ სხვას, დამირეკეთ ან მომწერეთ. თანხმობის ფორმას ერთად შევავსებთ და გადაწყვეტთ, რა შედის მასალაში და რა არა.
